Prej kohësh është folur kaq shumë për nisjen e edicionit të nëntë të “Big Brother”, mbi të gjitha për surprizat dhe risitë që do të vijnë këtë vit.
Autorja e spektaklit, Alessia Vessicchio, vendosi që të rrëfente disa detaje të vogla vetëm një ditë para nisjes së tij.
Ajo tha se bashkëpunimi me Arbana Osmanin do të vazhdojë, duke qenë se publiku e do, tani do të ketë mundësinë ta shohë më shumë në ekran. Por ajo që ndoshta prinsim të gjithë është se spektakli nuk do të jetë më në dorë të organizatorëve.
“Spektaklin do ta bëjnë banorët. Nuk duam që banorët të flasin për strategji, as që bukuria e tyre të fillojë dhe të mbarojë me atë të jashtmen. Sepse bukuri do të ketë shumë”, tha Vessicchio për emisionin “Wake Up”.
Ky është quajtur ndryshe “edicioni i dashurisë” dhe sipas një burimi të “Iconstyle.al” vetë organizatorët kanë qenë në kërkim të çifteve. Burimi na kanë bërë me dije se organizatorët kanë dashur që pjesë e këtij edicionit të jenë dyshet që janë në një marrëdhënie, ndaj dhe ato prej muajsh janë vënë në kërkim të tyre.
Deri më tani dimë, që do të ketë tre çifte dhe shumë dashuri në “Big Brother”.
