Të gjithë mezi prisnim këngën më të re Era Istrefi pas një viti. Për këtë këngëtarja u sigurua që të ishte e kuruar në çdo detaj, ndryshe nga klipi i këngës “Bon Bon”, ku shfaqej vetëm në një ambient.
Kënga “Redrum” rezultoi që në orët e para të publikimit një supersukses, pasi ende pa bërë 24 orë nga lançimi, arriti 1 milion e 700 mijë klikime. Duket se kjo do të jetë kënga do që do katapultojë Erën fuqishëm në tregun ndërkombëtar. Por pavarësisht numrit të madh të stafit që kanë shtëpitë e njohura diskografike, në realizimin e një kënge, duket se në diçka nuk kanë qenë shumë të vëmendshëm.
Shumë prej jush me siguri i shpëtoi ky detaj, pasi ishit më shumë të fokusuar te kënga. Në fillim të klipit, në sekondën e tetë, në fustanin e kuq të Erës duket qartë një e grisur e fustanit.
Nuk dimë cila ka qenë stilistja e Istrefit në këtë këngë, por me siguri që ky ka qenë ndonjë incident gjatë xhirimeve të klipit, i cili më pas u ka shpëtuar edhe gjatë montazhit të videos.
