Teksa nëndetëses Titan iu bë jehonë mediatike, bota hesht për anijen me 750 emigrantë që u fundos në Greqi më 14 Qershor. Vetëm 104 persona kanë shpëtuar të gjallë, 82 pasagjerë kanë vdekur dhe pjesa tjetër është zhdukur.
Në kundërshtim me deklaratat e rojes bregdetare greke, të mbijetuarit tregojnë se ishte pikërisht kapiteni grek që i tërhoqi, ai që bëri që anija e tyre të fundosej me qëllim.
“Kapiteni grek na tërhoqi shumë shpejt, ishte jashtëzakonisht i shpejtë, kjo bëri që anija jonë të fundosej,”-u shpreh një i mbijetuar.
“Herën e tretë që na tërhoqën, varka u lëkund djathtas dhe të gjithë po bërtisnin, njerëzit filluan të binin në det dhe anija u përmbys dhe askush nuk pa më njeri. Vëllezërit u ndanë, kushërinjtë u ndanë,”-tregoi një tjetër.
“Ende mund të dëgjoj zërin e një gruaje që thërret për ndihmë. Duke notuar, largonim trupat e pajetë nga rruga jonë,”-dëshmoi një tjetër i mbijetuar.
Sipas CNN, autoritetet greke ishin në dijeni të anijes së dëmtuar për të paktën 13 orë përpara se ajo të fundosej përfundimisht në 14 qershor, megjithatë bota hesht për këtë krim, duke i dhënë vëmendje vetëm nëndetëses Titan.
“Ka një tragjedi që po shpaloset me nëndetësen që po merr mbulim minutë pas minuti në të gjithë botën. Por, që kjo ka marrë shumë më tepër vëmendje sesa fakti që 700 njerëz u mbytën, është një situatë e paqëndrueshme,”-u shpreh Barack Obama në një intervistë.
