R Kelly u arrestua përsëri, nën akuzë se ka rekrutuar vajza minorene në bashkëpunim për t’i përfshirë ato në veprimtari të paligjshme të natyrës seksuale me vetë atë, për t’i xhiruar dhe duke i paguar më pas që të mos flasin për krimet e tij.
Është hera e dytë që këngëtari arrestohet, brenda këtij viti. R Kelly e ka tashmë një hetim në vijim kundrejt tij se bashkë me menaxherin kanë paguar qindra mijëra dollarë dhe se kanë përdorur abuzim fizik dhe kërcënim për t’i ndaluar vajzat dhe të afërmit e tyre të flasin.
Një dëshmitar i mbrojtur në Chicago tha se i gjeti këngëtarit një vajzë, të cilën më pas e detyroi të shpërngulej bashkë me prindërit në një kontinent tjetër, përpara vitit 2002, kur R Kelly u vu në qendër të 21 akuzave për pornografi me të mitur.
Gjithë këto akuza erdhën pas një akuze të parë, se këngëtari kishte xhiruar veten me një vajzë 12-vjeçare. Asokohe, vajza e mohoi, ai gjithashtu.
Por, çështja u rikthye sërish në vëmendje në vitin 2008, kur të tjera akuza u ngritën ndaj tij për abuzim me të mitur.
Prokurorët thonë se R Kelly ka bërë çmos për të shtënë në dorë videot e veta me vajza të mitura, që kur vuri re se i mungonin disa nga “koleksioni” i tij, madje edhe duke i marrë dëshmitarët në pyetje me aparaturën e së vërtetës, për të kuptuar nëse i kishin kthyer kopjet apo jo.
Dëshmitari e akuzoi Kellin se ka tentuar ta korruptojë vajzën të mos flasë pas gjyqit të 2008-ës, duke i dhuruar një makinë luksoze në 2008-ën.
