Jeni të interesuar të punoni në Ambasadën Amerikane? Epo ky mund të jetë shansi juaj pasi ambasada ka njoftuar se ka disa pozicione vakante pune.
Përmes një njoftimi në faqen e saj zyrtare, Ambasada Amerikane ka publikuar një lajmërim për vende të lira pune. Sipas këtij njoftimi, aplikimet duhet të përmbajnë një rezyme aktuale ose curriculum vitae, një letër shoqëruese qe shpjegon kualifikimin e kandidatit për pozicionin në fjalë dhe çfarëdo reference, certifikate apo dokumente të tjera që demonstrojnë aftësitë dhe mundësitë e kandidatit.
Aplikimet mund të dërgohen nga e Hëna në të Premte, nga ora 9:00 deri ne orën 17:00 pranë agjencisë respektive apo ambasadës, në përputhje me udhëzimet specifike të dhëna në njoftimin përkatës për vend të lirë pune.
Vizitoni në çdo kohë këtë faqe (Këtu) për lajmërime të tjera punësimi dhe formularin e aplikimit.
