Dëshironi një bluzë të stiluar nga Noizy?! Epo kjo nuk do të jetë më një dëshirë, por do të ndodhë shumë shpejt.
Vetë reperi ka paralajmëruar nëpërmjet një postimi në rrjetet e tij sociale. “Illyrian Blood Line” (linja e gjakut ilir) mban emrin linja e tij e veshjeve e cila shfaq patriotizëm në çdo shkronjë dhe me siguri edhe në çdo veshje. Ajo që bie më shumë në sy janë simbolet kombëtare të përdorura në veshje.
Deri tani, gjenden vetëm veshje për meshkuj ndërkohë që shumë shpejt edhe femrat do të gjejnë veshjet e tyre. Noizy nuk është as rasti i parë dhe as i fundit i një artisti që merret edhe me modë. Një praktikë kjo e nisur nga yjet botërorë dhe e përqafuar me shumë dëshirë edhe nga personazhet publikë shqiptarë.
