Një studim i viti 2003 zbuloi se mosha mesatare e femrave që kanë lindur fëmijën e tyre të parë është 26-vjeç, ndërsa një studim i fundit thotë se mosha ideale kur femrat duhet të bëhen nëna është pas të 30-tave.
Sipas “Independent”, disa shkencëtarë nga “London School of Economics” kanë analizuar të dhënat e 18 mijë fëmijëve britanikë për të përcaktuar efektin e moshës së nënës në rritjen dhe zhvillimin e fëmijës.
Ata arritën në përfundimin se vitet e arta për të lindur fëmijë inteligjentë janë të 30-at. Studimi i publikuar në revistën “Biodemography and Social Biology” ka arritur në konkluzionin se fëmijët që lindin nga femrat në të tridhjetat e tyre kanë më shumë gjasa të jenë inteligjentë, krahasuar me fëmijët e të tjerë që lindin nga nëna në të njëzetat apo dyzetat e tyre.
Përveç kësaj, “Nënat që lindin fëmijë për herë të parë në të 30-at e tyre, janë më të arsimuara, kanë të ardhura të mira, kanë shanse të jenë në një marrëdhënie të qëndrueshme, bëjnë një jetë të shëndetshme, dhe e kanë planifikuar shtatzëninë e tyre”, tha studiuesja Alice Goisis për të përditshme “The Times.”
Ndërsa gratë që lindin për herë të parë në të dyzetat e tyre kanë tendencë t’i ushqejnë fëmijët me gji, lexojnë më shumë për mirërritjen e tyre, pinë më pak duhan, megjithatë, fëmijët e këtij grupi femrash kanë më shumë gjasa të bëhen obezë, në krahasim me nënat më të reja, të cilat luajnë më shumë me fëmijët e tyre.
Burimi: The Independent
