- Përpiquni ta njihni atë
Një nga gjërat që meshkujt pëlqejnë më së shumti është vëmendja juaj. Kjo nuk do të thotë që ju ta pyesni për çdo gjë por as mos paragjykoni mendimet e tij si mendime ‘tepër mashkullore’. Pyeteni atë për gjëra të prekshme si momentet kur ka qenë vërtet i lumtur apo kujtimet e fëmijërisë.
- Interesohuni për gjërat që ai pëlqen
Ndoshta nuk e duroni dot futbollin apo sportet e tjera, por të paktën mblidhni informacione bazike mbi këto sporte. Nëse pasionet e tij janë të ndryshme nga tuajat, kjo është një gjë e mirë pasi do të keni mundësi të zbuloni shumë gjëra të reja në jetën tuaj.
- Tregojini për ndjenjat tuaja në mënyrë realiste
Ndonjëherë, ekziston mania e zmadhimit të dukurive. Kujdes tek kjo pjesë, të flisni për ndenjat tuaja me këmbë në tokë është zgjedhja më e mirë që mund të bëni. Ndoshta puthja e tij ju bën të fluturoni dhe është mirë që edhe ai ta dijë këtë, do të ndihej i vlerësuar.
- Kuptoni pikat e tij të dobëta
Jo për t’i përdorur kundër atij, por për të qëndruar pranë kur kohët nuk janë edhe aq të thjeshta. Si femrat dhe meshkujt kanë pika të dobëta, femrat kanë tendencën të flasin më shumë për to ndërkohë që meshkujt stepen. Pyeteni nëse ndihet mirë dhe lëreni të kuptojë se do të jeni pranë tij paçka situatave.
- Flisni hapur mendimet tuaja
Duke qenë se vini nga mënyra të ndryshme të të menduarit, bën mirë që ai të dijë se çfarë mendoni ju për çështje të ndryshme. Këtu nuk bëhet fjalë për thashethemet që bëni me shoqet tuaja, por për ide që ju mendoni gjatë gjithë kohën.
Tregohuni të kujdesshme me mënyrën si silleni me një mashkull, ai nuk dëshiron një ‘mama’ të dytë por një karakter të fortë për ta pasur në krah. Mos u tregoni sipërfaqësore dhe vëreni qëllimin tuaj të arrini në mendjen e tij e më pas në zemër.
