Këngëtarja Arilena Ara mbrëmjen e sotme ishte e ftuar në emisionin “Në Kurthin e Piter Panit” prej ku iu përgjigj “pa doreza” pyetjeve kureshtare të fëmijëve të panelit.
Një prej tyre e pyeti Arilenën nëse pranon apo jo aplikime për të dashur, ndërkohë duke qeshur dhe paksa e sikletosur këngëtarja tha: “Jo nuk pranojmë aplikime për të dashur!”
Kështu që, deshi, s’deshi ta bënte publike faktin se ka të dashur, përgjigja dhe mënyra se si u përgjigj Arilena automatikisht i tha të gjitha.
Gjatë intervistës në emisionin në fjalë, Arilena foli edhe për 3 dëshirat që dëshiron që t’i bëhen realitet.
“Dëshira ime e parë është të dëgjoj mendimet e njerëzve. Të futemi në mendjen e njerëzve të afërt për të kuptuar çfarë thonë për ne, çfarë mendojnë gjatë gjithë kohës dhe çfarë na thonë në sy. Dëshira e dytë është për kafshët. Ato kanë nevojë për dashuri dhe të mos jenë të braktisura nga ne njerëzit dhe e fundit është: dua të jem një Piter Pan gjithë jetën, mos të rritem gjithë jetën!”- tha këngëtarja ndërkohë të gjithë filluan të duartrokisnin.
