Selena Gomez vazhdon të jetë një prej personazheve më të komentuar e më të ndjekur në rrjete sociale, sidomos pas “dramës” me Hailey Bieber dhe paqes midis vajzave.
Në platformën e saj, ajo ndan momente të ndryshme pune e përditshmërie, mirëpo një prej postimeve të fundit s’kaloi pa u kritikuar.
Selena postoi thjesht disa selfie të vetes, mirëpo njerëzit u dyndën me akuza për photoshop.
“Ky është niveli më i fortë i Photoshopit”.
“Ti që promovon bukurinë natyrore nuk duhet t’i modifikosh kaq shumë fotografitë”.
“Unë as që të njoha”.
“Kjo nuk është Selena”- janë disa nga komentet.
Mirëpo, për syrin tonë është thjesht një filtër Snapchati!
