Një ndër aktoret më simpatike të Hollivudit, Jennifer Lawrence ka rrëfyer nëj incident qesharak që i ndodhi gjatë xhirimeve të filmit “Hunger Games” në Hawaii. Biondja bukuroshe për pak sa do të kishte shkaktuar vdekjen e një personi, pasi u ul mbi disa gurë, vetëm për të kruar të pasmet.
“Aty ishin disa gurë të shenjtë dhe nuk supozohej që dikush të ulej mbi ta sepse nuk duhej t’i ekspozoje ndaj organeve gjenitale. Por unë isha e veshur me një kostum zhytjeje dhe o Zot i Madh, ata gurë ishin kaq të mirë për të kruar të pasmet”, tha aktorja.
“Por, një gur gjigand me të cilin po kruhesha lëvizi dhe u rrokullis poshtë nga faqja e malit. Thuajse vrau teknikun tonë të zërit. Një stacion i tërë u shkatërrua. Ishte një situatë dramatike.”- u shpreh Lawrence.
“Dhe të gjithë vendasit që thoshin ‘O Zot i Madh, është një mallkim’ dhe unë që isha ulur në një cep dhe pëshpëritja ‘Jam unë mallkimi juaj’. Unë e lëviza atë me të pasmet e mia!”, tha Lawrence duke shkaktuar humor.
Burimi: Marie Claire
