Meghan Marke ka filluar përgatitjet për dasmën e saj që do të zhvillohet në muaji maj. Trajtimet për lëkurën kanë filluar që para disa muajsh dhe këtë na e zbulon dermatologia Nichola Joss.
Në një intervistë të dhënë para disa kohësh Meghan ka thënë se ndihet shumë falënderuese ndaj dermatologes së saj për lëkurën e shndritshme dhe mollëzat e mirë formuara, të dallueshme sidomos gjatë buzëqeshjes.
Dermatologia Nichola Joss ka treguar këshillat që i ka dhënë Meghan-it para dasmës.
“Nëse keni një lëkurë problematike ose me predispozita për formimin e herë pas hershëm të akneve, atëherë është realisht e nevojshme që të nisni një rutinë të rregullt kujdesi pesë muaj para ditës së dasmës”, ka treguar fillimisht Joss.
Ajo ka theksuar se nevojitet masazh i përditshëm i fytyrës, pasi kjo ndihmon jo vetëm në eliminimin e tensionit të lëkurës, por gjithashtu rinovon edhe qelizat e vdekura.
“Sa për metodat korrektuese apo me lazer, nuk janë të rekomandueshme, sidomos nëse po afron data e dasmës. Dëmet apo irritimet e paparashikuara shpesh mund të shkaktojnë pasoja të pakthyeshme pas”, ka theksuar Joss.
Ajo ka rekomanduar kryesisht masazhin me vajin e posaçëm të fytyrës, për një lëkurë të mahnitshme si të Meghan Markle.
