Deputeti socialist Spartak Braho përfundoi në spital pasi pësoi parainfarkt. Një ditë më parë burime për gazetën “Panorama” bënë me dije se politikani kishte probleme me frymëmarrjen, dhimbje gjoksi dhe shtrëngime.
Pas vizitës së parë te spitali i Durrësit, ai u transferua me urgjencë në një spital privat në Tiranë, ku iu nënshtruar vizitës nga mjekët kardiologë.
Ata konstatuan se Braho kishte pësuar parainfarkt dhe vetëm pasi u kap në kohë arriti që të shpëtonte jetën e deputetit.
Braho mësohet se kishte vënë në dijeni familjarët për gjendjen e rënduar, të cilët këmbëngulën që deputeti të vizitohej, pavarësisht se ai kishte neglizhuar duke besuar se mund të ishte diçka që e kalonte vetë.
Burimi: Panorama
