Me fillimin e luftës Rusi-Ukrainë, bota ka reaguar duke ngritur sanksione kundër Rusisë në të gjitha aspektet e mundshme, qoftë politike, ekonomike apo kulturore.
Ndërkaq, edhe e gjithë bota e futbollit është ngritur kundër shtetit të drejtuar nga Putin, duke marrë masa e përjashtime të ndryshme.
Kështu, FIFA ka dhënë goditjen e fundit me qeverinë e futbollit botëror që i përjashtoi nga Botërori i 2022-shit në Katar. Edhe UEFA nga ana tjetër ka vendosur të përjashtojë ekipet ruse nga komptecionet evropiane, si dhe anuloi finalen e Champions League, e cila do të luhej në Gazprom Arena, ndërkohë që ndërpreu marrëveshjen e sponsorizonit me sponsorin gjeneral të UEFA Champions League.
Këto vendime janë pritur mirë nga të gjithë futbollistët duke mbështetur vendimet e gjigantëve të futbollit, mirëpo të shumtë janë ata që nuk bien dakord me përjashtimet, duke i konsideruar vendimet e FIFA-s si me dy standarde. Një prej tyre është dhe ish-kapiteni i Egjiptit, Mohamed Orik, i cili tha se të njëjtat dënime duhet të përfshinin edhe Izraelin.
“Nëse dënohet Rusia me Kombëtaren dhe klubet e saj, atëherë ky dënim duhej të përfshinte edhe Izraelin që për vite me radhë po vret fëmijët dhe femrat në Palestinë. Nëse përdor dy standarde, nuk është e drejtë për të gjithë”, u shpreh ai.
