Demi Lovato prej ditësh ka bërë publike ndarjen nga i fejuari i saj, Max Ehrich, por ky i fundit duket se e ka të vështirë ta pranojë këtë gjë. Përmes disa postimeve në rrjete sociale ai ka insistuar se nuk ka përfunduar zyrtarisht lidhja e tij me Demin.
Ai ka deklaruar në Instagram se nuk ka folur me këngëtaren dhe se gjërat mes tyre nuk kanë marrë fund. Më pas Max është penduar për të gjitha postimet dhe i ka fshirë.
“Deri në këto momente ne nuk kemi folur në telefon… nuk kemi mbaruar asgjë zyrtarisht me njëri-tjetrin”, shkroi Max në një postim. Ndërsa në një tjetër shtoi: “Nëse po e lexon këtë… Do të të dua gjithmonë… pa kushte… nuk ka rëndësi se çfarë”.
Këto postime të tij erdhën menjëherë pasi një burim tregoi për “People” se Ehrich ishte i vetëdijshëm për ndarjn e tyre dhe se kjo gjë do të bëhej publike në media. Demi dhe Max u lidhën me njëri-tjetrin në muajin mars, gjithë periudhën e karantinimit e kaluan bashkë, derisa vendosën në korrik të fejoheshin.
