Karriera e saj televizive ka nisur shumë herët, e Rudina Magjistari i ka qëndruar gjithmonë besnike televizionit “Klan”. Gjatë puntatës së sotme, gazetarja kishte të ftuar në studio këngëtarin Ardian Trebicka, i cili shumë shpejt do të mbajë një koncert recital në Tiranë.
Si suprizë për të ftuarin, Rudina shfaqi një pjesë të emisionit që ajo drejtonte 18 vite më parë, me titull “Tango”, ku Ardian Trebicka ishte i ftuar.
“Donim të sillnim një fragment nga interpretimi yt dhe thashë po unë pse mos ta kujtojë pak veten si kam qenë atë kohë. Kur e pashë veten thashë duhet kurajo, do bëj si do bëj dhe do e transmetoj’, – tha Rudina përpara se të transmetohej videoja. Në video ajo dukej e veshur me një fustan të gjatë dhe me flokët pak më të shkurtër dhe disa kilogramë më pak.
