Aktorja Arjola Demiri, kur ishte pjesë e “Big Brother VIP” ka folur shpesh për jetën e saj private dhe për sakrificat e saj.
Ajo që mori vëmendjen e të gjithëve ishte se aktorja foli për tradhtinë nga ish-partneri i saj.
Ndër të tjera ajo tha se e kishte falur këtë veprim për 6 vite, por theksoi se gjërat sa vinin dhe përkeqësoheshin.
“Nuk mund ta besoja që personi që po më lutej mua të mos e tradhëtoja, më tradhëton vetë. Në fillim mendova se ishte mërzitur për faktin se fëmija i parë na doli vajzë dhe për këtë arsye tentova edhe dy shtatzënitë e tjera. Por ishte e kotë.I shijonte jeta që kishte jashtë, se sa ajo brenda shtëpisë. Por, jam e bindur se nuk do të gjejë asnjëherë atë sinqeritet. E doja më shume se fëmijët, prindërit e mi, ishte qendra e universit, ishte adhurim për mua. E dorëzova veten time komplet te ai.”,– tha ajo.
Pas gjithë këtyre deklaratave, aktorja ka zbuluar edhe marrëshënien që ka me ish-bashkëshortin, me të cilin ndan tre fëmijë.
Një ndjekës kureshtar mori një përgjigje të hapur nga Arjola, e cila zbuloi se fëmijët e saj kanë raporte të mira me babain e tyre, por pa treguar raportin e saj me ish-partnerin.
Po kush është ish-burri i Arjolës?
Ish-bashkëshorti i Arjola Demirit është Ajax Boshnjaku. Ai është personazh i njohur për mediat dhe botën e krimit. Emri i Ajax Boshnjakut është bërë i njohur në tetor të 2018 ku ishte i përfshirë në masakrën e ish-Bllokut ku mbeti i vrarë Fabiol Gaxha. Ajaxi, miku i i Ervin Matës u akuzua për moskallëzim krimi.
Gjithashtu, burime bëjnë me dije se Ajax Boshnjaku është sot babi i dy djemve binjak me një grua tjetër me të cilën Arjola Demiri ka edhe çështje penale.
Arjola ka treguar se ka marrë më në fund kujdestarinë e 3 fëmijëve që ka patur nga bashkëjetesa me Ajaxin, pasi ajo nuk ka patur një celebrim me ligj me të.
