Një ditë më parë, Sara Hoxha zbuloi se e kishte kaluar koronavirusin dhe tregoi edhe simptomat që kishte pasur pas infektimit në Dhërmi.
Ndërkohë sot, motra Lori ka bërë një postim që të bën të mendosh se mund ta ketë kaluar edhe ajo virusin. Në një postim nga Britania, ku ka udhëtuar së fundmi Lori shprehet se është mirë të shijosh hapësirat publike kur ke imunitet.
Ajo shfaqet me maskë në fytyrë në aeroport dhe shkruan: “Pjesa më e mirë e imunitetit është të mos frikësohesh nga aeroportet apo hapësirat publike”.
Sara rrëfeu se simptomat i ishin shfaqur shpejt dhe për fat të mirë, virusin nuk ia kishte transmetuar bashkëshortit apo fëmijëve, por nuk tha gjë për pjesën tjetër të familjes.
Kur ke imunitet, trupi juaj mund të njohë dhe luftojë kundër virusit që shkakton COVID-19. Por gjithashtu është e mundur që njerëzit që kanë pasur COVID-19 të sëmuren përsëri – dhe ndoshta të infektojnë njerëz të tjerë.
Pas ditëve të tëra vuajtje, Sara tha se kishte arritur të bëhej mirë, megjithatë ankthi vazhdon të jetë prezent në jetën e saj, ashtu si dhe rënia e flokëve për shkak të virusit.
“Unë jam më mirë tani. U infektova rreth një muaj më parë në plazh, së bashku me disa miq. E kuptova menjëherë që e kisha pasi kisha dridhje të tmerrshme të trupit dhe më pas ethe, lodhje, dhe një dhimbje të çmendur koke që ma bënte të pamundur të shihja dritën. Zgjati 4-5 ditë. Kam fjetur 16-17 orë në ditë, çfarë është shumë e pazakontë për mua. Në ditën 6/7 nuk mund të nuhasja apo të ndjeja shije…Gjithçka filloi të përmirësohej në ditën e 10. Ethet zgjatën dy ditë. Bashkëshorti dhe fëmijët nuk u infektuan dhe unë u largova për dy javë. Simptomat janë të vështira (ndonëse unë jam me fat) por presioni mendor nga izolimi dhe frika që të shkakton Koronavirusi është një çmenduri! Akoma nuk ndihem 100%. Mund të them që jam diku te 60-ta. Ankthi im është i vazhdueshëm, nuk fle mirë, punët e përditshme më lodhin shpejt dhe flokët vazhdojnë të më bien”, ka shkruar Sara.
