Nuk është e lehtë të mbash performanca për fansat, pasi mund të ketë shumë të papritura.
Mbi të gjitha kur flitet për incidentet, që janë edhe shumë të dhimbshme. Për Genta Ismajli nuk është hera e parë që të përjetojë një prej tyre.
Gjatë performancës në një klub nate teksa kërcente, këngëtarja ka rënë nga skena. Në video shihet se Genta ka rënë mbrapsht në pjesën ku qëndron publiku.
Duke qenë se Genta është shumë energjike në skenë mund të themi se ndodhin edhe incidente të tilla, madje rikujtojmë se ajo është rrëzuar edhe disa kohë më parë gjatë një performance në Nju-Jork, në shkurt të 2016-s.
Shpresojmë mos të jetë lënduar shumë këtë herë!
