Mbrëmjen e kaluar në emisionin “Opinion” të drejtuar nga Blendi Fevziu u trajtua tema e zgjedhjeve të 30 qershorit.
Të ftuar në studio kanë qenë disa personazhe të njohur të medias të cilët përgjatë 2 orëve shprehën mendimet e tyre pro ose kundër.
Pjesë e panelit ishte edhe pedagogu Mark Marku, i cili ka debatuar me ministrin e jashtëm, Genc Cakaj.
Marku nuk ishte dakord për zgjedhjet që u zhvilluan dhe u shpreh i indinjuar se nuk duhet të paguhen taksat e këtij pushteti.
“Nuk duhet t’i paguajmë taksat këtij pushtetit që ka mendjen të uzurpojë gjithçka. Besoj se kjo do të jetë edhe lëvizja e radhës e opozitës. Unë do të sillem si të dua, përsa kohë ai sillet si do vetë”.
Në këtë moment tonet e zërit midis të pranishmëve në panel u ngritën dhe kjo situatë nuk i ka pëlqyer aspak Fevziut.
Duke ju ndaluar fjalën të dyve ai ju tregon se në emision duhet të sillen siç ju thotë ai.
“Këtu duhet të silleni siç them unë, se ju nxjerr të dyve jashtë”,- shprehet Blendi.
Kjo nuk është hera e parë që Blendi e kalon debatin deri në këtë situatë, pasi edhe pak kohë më parë ai ju drejtua të ftuarve me tonë të larta duke ju kërkuar të pushojnë pasi janë në emisionin e tij.
