Emisionet kanë humbur qëllimin parësor tashmë në Shqipëri: pikërisht edukimin dhe informimin. Sot po promovohet dhunë dhe gjuhë ofenduese; kjo është ajo që po merr vëmendjen më të madhe.
Por çfarë ka ndodhur së fundmi?
Një reality-show i ngjashëm me “Big Brother” ka nisur transmetimin në Televizionin “First Channel”. Programi quhet “It’s my home” dhe që në puntatat e para ka marrë një vëmendje të madhe.
Mirëpo një video është bërë virale në rrjet, ku një konkurrente është dhunuar. Ajo ka qenë duke bërë një debat kur më pas është goditur me shapkë nga një banor i shtëpisë.
Raportohet se vajza ka ofenduar dhe sharë nga familja banorin dhe ky i fundit, nga gjaknxehtësia e ka goditur vajzën.
E reja shihet duke qarë por askush nuk e ndihmoi. Teksa u sulmua, banorja dëgjohet duke thënë: “S’jam ardhë unë mem rreh këtu”.
Nga ana tjetër, Gazeta Express shkruan se një banore dëgjohet teksa i thotë dhunuesit “bravo, mirë ia bëre”.
Mirëpo, të shumtë kanë qenë komentuesit që kanë reaguar në rrjet. Shumë kanë shkruar se duhet të ndërhyjë në mënyrë kategoria Policia e Kosovës pasi një vajzë u dhunua në një show televiziv.
Pavarësisht ofendimit që nuk justifikohet, dhuna ndaj vajzës është e papranueshme.
Rastet e dhunës po shtohen dita-ditës në vend dhe shifrat janë alarmante dhe frikshme por askush nuk po reagon. Madje dhuna po ndodh edhe në ekranet tona, por sërish askush nuk po reagon.
E trishtë ajo që po shohim se ç’po ndodh në vendin tonë, si në Shqipëri ashtu dhe Kosovë, ku institucionet nuk reagojnë menjëherë dhe ashtu siç duhet.
Të dy konkurrentët kanë gabuar, duke nisur që nga ofendimi, e më pas nga dhuna ‘live’ para miliona shikuesve.
