Reperi Arian Agushi i njohur si “Gold AG” ka folur për sherrin e tij të shumëpërfolur me Tuna Sejdiun.
I ftuar në puntatën e dytë të emisionit “Shiko Kush LUAN” ai tregoi arsyen e sherrit, gjatë sfidës “Ndaje ose pije”, kur personazhet zgjedhin t’i përgjigjen pyetjeve pikante dhe të tregojnë të vërtetat pa “doreza”.
“U përfol shumë se pati një përplasje mes teje dhe Tunës, na trego arsyen e këtij sherri ose pi” ishte pyetja që i lexoi Anxhela Peristeri.
Gold Ag tha se një femër si Tuna nuk duhet të përfaqësojë femrat e tjera, pasi prezanton vetëm degjenerim.
“Arsyeja e këtij sherri nuk është sherr, por është një realitet që nuk kam qejf që një femër si ajo me prezantu degjenerim te femrat shqiptare, te motrat tona. Unë nuk jam ai që duhet të drejtoj femrat se çka me qit e çka mos me qit, por për derisa ajo ka këndu serbisht e vjen në Kosovë e qet zogun, te une jo”, ishte përgjigjia e reperit të njohur.
https://www.instagram.com/p/CF5aIGvhSWF/
Prej vitesh Gold Ag dhe Tuna nuk kanë pasur marrëdhënie të mirë, ndërsa krisjen e madhe e shënuan në 2014-tën kur thumbuan indirekt njëri tjetrin përmes statuseve në Facebook të cilat bënë shumë bujë asokohe.
