Falë Lori Hoxhës, zbuluam shumë sekrete nga dasma e vitit që u mbajt buzë liqenit Como në Itali më 11 gusht! Një nga çastet më emocionuese gjatë videos që fashionista shqiptare bëri publike në Youtube, ishte edhe një moment shumë romantik mes dhëndrit Ledion Liço dhe Sara Hoxhës.
Moderatori kishte zgjedhur të surprizonte partneren e tij, disa orë përpara celebrimit, me një buqetë të madhe me trëndafila dhe me një dedikim, që të themi të drejtën, na rrënqethi!
“E dashur, dashuria e jetës time! Faleminderit që çdo vit, muaj, ditë, minutë apo sekond që kemi kaluar bashkë, e ke bërë më të lumturin. Ke një trëndafil për çdo muaj, që kemi qënë së bashku. Mezi po pres të mbush tërë dhomën me trëndafila një ditë. Dhe faleminderit që po martohesh me mua! Ti do të kujdesesh për mua, apo jo? Po të pres”- shkruante Ledioni.
Epo sapo zbuluam një anë shumë romantike të moderatorit Ledion Liço dhe duhet t’i themi bravo për këtë! Madje djema, shikoni dhe mësoni nga Ledioni!
