Filmi “Zgjoi” (HIVE) ka arritjr një sukses të jashtëzakonshëm, duke shkruar histori në kinematografinë shqiptare, pasi ka marrë një nominim në listën e ceremonisë prestigjoze “Oscars”.
Lidhur me këtë lajm, kanë reagur shumë figura publike e të njohura për të gjithë; një ndër to ka qenë edhe Dua Lipa, e cila ka publikuar një postim në llogarinë e saj të “Instagram”, ku ka shprehur pëlqimin për filmin, mbështetjen e saj si dhe e ka promovuar duke treguar se sa frymëzuese historia është. Ajo tha se ndihej krenare për këtë realizim, duke shprehur bindje dhe vendosmëri të plotë që filmi do ta rrëmbejë çmimin e rëndësishëm të “Oscars”.
“Zgjoi është një film i bukur që tregon historinë prekëse dhe frymëzuese të Fahrije Hotit dhe grave të Krushës. Kjo histori lufte dhe këmbënguljeje është ajo që duhet treguar.
Flet për shpirtin e përvojës kosovare dhe shpresoj se mund të ndihmojë në shërimin kolektiv të familjeve që u ndanë dhe njerëzve që humbën të dashurit e tyre.
Jam shumë krenare për atë që ka arritur Blerta Basholli është një frymëzim. ZGJOI mori shumë çmime në Sundance dhe bast im është që Basholli do të shtojë një Oscar në koleksionin e saj”.- shkruan ajo.
