Ryan Gosling di shumë mirë të shprehë dashurinë.
Aktori fitoi çmimin “Aktori më i mirë”, për zhanrin komedi dhe muzikal, natën e Golden Globes për portretin magjik të një pianisti “jazz” në “La La Land”. Por ajo për të cilën do të mbahet mend gjatë është fjalimi i tij i dashur, i sinqertë dhe i ëmbël për bashkëshorten e tij, Eva Mendes.
Mendes mungoi në ndarjen e çmimeve, ku Gosling ishte parashikuar që të fitonte. Por aktori shpjegoi pse bashkëshortja e tij nuk ishte e pranishme, ndërsa sqaroi vitin e trazuar pas vdekjes së vëllait të saj të sëmurë.
Pasi insistoi se çmimi duhet të kishte ikur për Ryan Reynolds, i nominuar për “Deadpool”, aktori falënderoi bashkëshorten e tij dhe nënën e dy fëmijëve.
“Doja të përpiqesha dhe të falënderoja një person në veçanti, dhe të thosha se ndërsa unë isha duke kënduar, kërcyer dhe luaja pianon dhe kisha një nga eksperiencat më të mira ndonjëherë në një film, zonja ime ishte duke rritur vajzën tonë, shtatzënë me të dytën dhe përpiqej të ndihmonte të vëllain të luftonte betejën me kancerin. Nëse ajo nuk duhet t’i bënte të gjitha kështu që unë të kisha këtë eksperiencë, me siguri do të ishte dikush tjetër këtu se sa unë sot. Kështu që e dashur, faleminderit. Vajzave të mia, Amada dhe Esmerelda, ju dua. Dhe nëse do të mundja, do të doja t’ia dedikoja këtë kujtimit të vëllait të saj, Juan Carlos Mendes”, tha Ryan Gosling.
Congrats to @RyanGosling, who won #GoldenGlobes Best Performance by an Actor in a Motion Picture – Musical or Comedy! pic.twitter.com/KQUy719r5P
— Golden Globe Awards (@goldenglobes) January 9, 2017
Burimi: WMagazine
