Bamirësia që Alketa Vejsiu dëshiron të bëjë për Xheison Baftin, personazhin simpatik të njohur si “taramelja” në spektaklin “Në Kurthin e Piter Panit”, ka nxitur debate të shumta në rrjetet sociale me disa komentues që shprehen që ajo po bën mirë, e disa të tjerë që moderatorja ka zgjedhur mënyrën e gabuar për ta ndihmuar vogëlushin.
Lidhur me këtë ka reaguar edhe vetë Olti Curri dy ditë më parë, pra të shtunën, ku ndër të tjera shkruante në një postim të tijin se produksioni nuk duhet ta shndërrojë Xheisonin në ‘lypës’ (lexoni këtu).
Nga ana tjetër, Alketa i është kundërpërgjigjur me disa shprehje të bëra publike në Instagram: “Asnjë vepër e mirë s’mund të kalojë pa u ndëshkuar; Nuk është nevoja që njerëzit të bien dakord me atë që ti thua, por ti duhet të jesh i aftë ta thuash atë, fol, fol më shpesh dhe fol me zë të lartë; Një premtim i bërë është një borxh i pashlyer!”
Ndërsa Olti Curri, i cili ka qëndruar në heshtje deri më tani, së fundmi ka reaguar nëpërmjet një postimi thumbues dhe ironizues në Insta Story: “Ouuu paska shkuar muhabeti deri te Oscar Wilde!”
Dhe si duket, replikat publike do vijojnë sërish…
