Mbrëmjen e sotme ka nisur një debat midis Donaldit dhe Ilirit, si rrjedhojë e konflikteve të akumuluara gjatë të gjithë javës.
Ata kanë bërë akuza të vazhdueshme për njeri-tjetrin, duke thënë se kanë krijuar hapsirë për të nisur një miqësi, por janë stepur nga ngjarjet dhe dinamikat e ndryshme të ndodhura brenda shtëpisë.
Lidhur me përmbledhjen javore të debateve të dyshes, Iliri tha se kishte dashur të kishte miqësi me Donaldin, por ai beson se ai po shfrytëzon banorët e tjerë për të goditur Ilirin.
“Ka qenë njeriu i parë që njihja në këtë shtëpi dhe e kam përqafuar me një ndjesi ndryshe nga të tjerët. Kam thënë që do të kisha dashur një makinë kohe për t’u rikthyer në fillimet tona. Do të kisha dashur të kisha patur një komunikim të mirë me të, por ai ka shfrytëzuar në ‘PRIME’ banorët për të më goditur.”- u shpreh ai.
Nga ana tjetër, Donaldi replikoi duke thënë se e konsideron Ilirin si një person dyftyrësh.
“Është një njeri që e vlerësoj, më pëlqen të flas me të, por është një njeri që ndryshe thotë e ndryshe bën. Më duken të çuditshme veprimet e tij. Nuk është koherent me fjalët e tij përballë meje dhe ato që thotë prapa shpinës time.”- ka thënë Donaldi.
