David Beckham është një baba shembullor! Ai e ka treguar gjithmonë se është një baba shumë i përkushtuar ndaj fëmijëve. Bashkëshortja e tij, Victoria ka postuar së fundmi një foto në “Instagram”-in e saj, në të cilën duket ylli i futbollit teksa qep fustane për kukullat e vajzës së tij, Harper.
“Harper ka babanë e saj që qëndis fustanet e kukullave. Të duam David”, – shkroi Victoria, bashkëngjitur fotos në “Instagram”.
Ish-kapiteni i Anglisë i është përkushtuar tërësisht përkujdesjes dhe rritjes së fëmijëve.
Në një tjetër foto, ai tregon dorën në të cilën e bija i ka vizatuar një njeri. Victoria dhe David, krahas angazhimeve të shumta në bizneset që drejtojnë, kanë treguar se përpiqen shumë të jenë prindër të mirë duke qëndruar afër fëmijëve të tyre.
Burimi: Daily Mail
