David Beckham po përballet së fundmi me akuzar se ka parë arkivolin e Mbretëreshës për ‘ekspozim’ dhe vëmendje.
Mes personazheve të famshëm që morën pjesë në Westminster Abbey për të respektuar Mbretëreshën Elizabeth II, ishte edhe ish-futbollisti i njohur.
Ai u pushtua dukshëm nga emocionet kur pa arkivolin e Mbretëreshës dhe shpërtheu në lot. Pamjet e këtij momenti bënë xhiron e rrjetit.
47-vjeçari thuhet se kishte refuzuar të qëndronte në rradhët e para pranë familjes mbretërore, duke zgjedhur të vendosej në radhë me të tjerët duke pritur për më shumë se 13 orë për momentin e tij për të thënë lamtumirë.
Ish-ylli i BBC Breakfast, Dan Walker lavdëroi dhe mbrojtj ish-kapitenin e Anglisë duke postuar në Twitter: “Veprim i duhur, David Beckham. 12 orë plus me sa duket për të bërë nderimet e tij.”
Mirëpo për disa komentues ky gjest i ish-futbollistit nuk është bërë për asgjë tjetër veçse për të marrë vëmendje.
“Duhej të tregonte fytyrën e tij, apo jo, ndonjë shans për t’u ekspozuar,”-thotë një komentues.
Kjo deklaratë nuk i ka pëlqyer aspak Dan i cili ka replikuar në mbrojtje Beckham: “Ai ka qenë atje që nga ora 2 e mëngjesit. Nëse do të dëshironte titujt e lajmeve, do të dilte shëtitje.”
Kujtojmë se David mori një OBE (Urdhri i Perandorisë Britanike) për shërbimet e tij ndaj futbollit nga mbretëresha në vitin 2003.
