David Beckham ka festuar ditën e sotme 46-vjetorin e lindjes dhe sigurisht dhuratën më të bukur nuk kishte nga ta merrte tjetër veçse Victoria-s. Në fakt surpriza e saj nuk ishte fare e zakonshme dhe madje i ka bërë të gjithë për të qeshur.
Victoria kishte mbushur shtëpinë me disa tullumbace, që pretendohet se portretizojnë David. Ajo publikoi në Instagram një foto të partnerit, i cili shfaqej i lumtur i ulur përkrah versionit të tij si tullumbace.
“Djali i ditëlindjes me shokët e tij! Gëzuar ditëlindjen!”, shkroi ajo.
Rreth tullumbaceve kishte dhe shumë dhurata që prisnin të hapeshin nga vetë David. Victoria dhe David janë bashkë që prej vitit 1999 dhe kanë bashkë 4 fëmijë, Brooklyn, Romeo, Cruz dhe Harper.
Së fundmi në mediat rozë është përfolur se David dhe Victoria janë rikthyer sërish në Mbretërinë e Bashkuar pasi qëndruan për disa muaj në SHBA. Dyshja kaluan 4 muaj në SHBA pasi fluturuan drejt Floridas gjatë Krishtlindjeve së bashku me fëmijët e tyre të vegjël, Romeo, Cruz dhe Harper.
Victoria ishte ajo që i bëri të gjithë të dyshonin se jetën e tyre ata do e kalonin në Amerikë, pasi postoi në Instagram: “E dua Miamin! Ky vend është gjithçka”.
Por duket se tashmë David është rikthyer në shtëpi dhe familja e tij thjesht shijoi pak kohë nga moti i ngrohtë i Miamit dhe për t’u relaksuar nga kufizimet e Covid-19. Mediat bëjnë të ditur se ata kanë fluturuar në fshehtësi sërish në Angli, për të jetuar në rezidencën e tyre luksoze, që kushton plot 6 milionë paund. Burimet kanë thënë se familja Beckham e shijoi shumë qëndrimin në SHBA, por Mbretëria e Bashkuar do të jetë gjithmonë shtëpia e tyre. Gjithashtu i njëjti burim ka thënë se periudha e izolimit ka përfunduar për ta dhe fëmijët janë gati të rikthehen në shkollë.
