Vajza e fotografit të njohur shqiptar, Fadil Berisha, i ka dhënë fund beqarisë.
Fotografi i mirënjohur shqiptar, baba i dy fëmijëve Violet dhe Blair, ka festuar këto dy ditë ceremoninë e martesës të së bijës, që është më e madhja ndër fëmijët.
Berisha, i larguar në moshën njëvjeçare nga Shqipëria, nuk e ka harruar traditën, duke sjellë mjaft elementë kombëtarë në ceremoninë paramartesore.
Në video e publikuara nga vetë fotografi në “Instagram”, shfaqen mjaft elemente të vendlindjes si kostumet popullore, tupanat, apo edhe muzika shqiptare që shoqërohet me vallet tradicionale.
Nusja, Violeta është veshur me një kostum tradicional që është punuar me dorë nga hallat e saj. Por nuk mungoi as fustani i bardhë, thjeshtësia e të cilit e bënte Violetën edhe më të bukur.
