Me siguri të gjithë e mbani mend reperin Elvis Nako, i njohur me nofkën “Akrepi”. Emrin e tij mbajnë hitet si “Xhoana”, “Milimetri i fundit”, “Skandaloz” etj.
Prej kohësh reperi ka treguar se është bërë baba, ndërsa së fundmi, nëpërmjet disa fotove ka njoftuar se është kurorëzuar me martesë me partneren e tij.
“Dita e dasmës. Paqe dhe dashuri”- shkruan Akrepi krahas fotove të publikuara në llogarinë e tij në Facebook.
Ai shfaqet i veshur dhëndërr, me bashkëshoren me fustanin e nusërisë krah tij, teksa kanë pozuar në natyrë.
Në një tjetër foto, çifti shfaqet gjatë momentit të kurorëzimit, me miq e familjarë pranë tyre.
Prek kohësh Akrepi i ka munguar muzikës, ndërsa fansat e tij dëgjojnë ende hitet e tij të vjetra, të cilat janë ende shumë ‘in’ për kohën.
