Këngëtarja Leona Lewis thuhet se këtë fundjavë do të celebrojë me martesë, historinë e saj të dashurisë me Dennis Jauch.
Burime për “The Sun” kanë zbuluar se këngëtarja e njohur ka zgjedhur Italinë si destinacionin e dasmës dhe pritet që ajo të jetë madhështore. Burimet janë shprehur se Leona dhe Dennis janë shumë të dashuruar dhe mezi po e presin fundjavën.
“Ajo ka punuar për muaj dhe muaj me radhë dhe është kujdesur që gjithçka të jetë perfekte”, shprehet burimi.
Dasma pritet që të zhvillohet me siguri të lartë dhe të ftuar do të jenë të gjithë miqtë dhe të afërmit e çiftit.
Lewis dhe Jauch janë përfolur për një histori që në vitin 2010 dhe ata janë njohur gjatë një performance, kur Denis ka qenë pjesë e ekipit të këngëtares.
Ata e bënë publike lidhjen në vitin 2013, megjithatë gjithmonë kanë preferuar ta mbajnë sa më larg mediave.
