Është padyshim dasma e vitit! Festa ka nisur dhe të gjithë jemi ngujuar në profilin e Fedez dhe Chiara Ferragni në “Instagram” për të zbuluar se çfarë po ndodh në dasmën e shumëpritur.
Çifti po organizon, në ndërtesën historike “Palazzo Nicolaci” në Noto, Siçili festën mikpritëse për të ftuarit e tyre, pasi nesër ata do të betohen për dashuri të përjetshme.
Gjatë perëndimit të diellit, prindërit e Leo-s, u shfaqën në ballkon për herë të parë, ku përshëndetën të ftuarit dhe fansat që prisnin me padurim.
E veshur me një fustan të personalizuar të markës Prada, blogerja italiane Chiara Ferragni shndërriste nga ndriçimi i tij, teksa kishte vendosur të mbante kapur vetëm gjysmën e flokëve.
Ndërsa Fedez, kishte zgjedhur një këmishë të bardhë, të personalizuar “The Ferragnez”, ashtu siç është pagëzuar edhe titulli i dasmës, që pas shpërndarjes së ftesave.
Brenda ambientit që po mbahet festa hapëse e dasmës, gjithçka është magjike dhe e kuruar me detaje.
Çifti ka zgjedhur ngjyrën e kuqe për të arreduar ambientin, teksa shkruhet kudo me gërma të mëdha “Amore”, fazë të cilën ata e përdorin për t’iu drejtuar njëri-tjetrit.
Trëndafila të kuq, shandatë të mëdhenj e tavolina në formë drejtkëndëshi janë gjithçka që sheh në dasmën e vitit!
Qershia mbi tortë ishin fjalimet e të afërmve të tyre. Fillimisht ishte e ëma e Chiarës, Marina Di Guardo, që shprehu të gjithë krenarinë që ndjen për të bijën.
Më pas i ati i saj, Marco, u kthye pas në kokë, në fëmijërinë e të voglës së tij që nesër martohet. Ndërsa dy motrat e saj, Franceska dhe Valentina, e trajtuan fjalimin plot humor, duke e falenderuar për të gjithë ndjekësit që ajo i ka dhuruar në rrjetet sociale.
Prindërit e reperit Italian Fedez, u mjaftuan vetëm me një fjalë: “Lumturi”. Chiara dhe Fedez rrëfyen në rrjetet sociale se ishin shumë të prekur nga fjalimet e tyre dhe se kishin qarë gjatë gjithë kohës.
Ska më kohë për lot, pasi festa nisi dhe nusja po kërcen mbi tavolina! Mezi presim, ta shohim fustanin e saj teksa ecën në altar drejt Fedez dhe vogëlushit Leo.
