Ky vit ishte i mbushur me dasmat e personazheve të njohur dhe kjo nënkuptoi se janë shpenzuar shumë para për të realizuar, më magjiken.
Një prej debateve, që shpesh është hapur tek shqiptarët janë dasmat, kjo traditë e bukur që kërkon shpenzime marramendëse. Nga ceremonitë e dasmave të të famshmëve, këtë vit kuptuam se shpenzimet më shumë shkuan në dekoret, sesa në zgjedhjen e vendit ku u festuan. Por të shkojmë pak në Kosovë. Dihet që edhe këtu nuk kursehet kur vjen puna tek gëzimet e dasmave.
Vokalisti i njohur i NRG Band, Besnik Qaka, i dha fund beqarisë të shtunën, ndërsa celebroi dashurinë e tij me të fejuarën Lolita Begolli.
Nga fustani i nuses e deri te performanca e artistëve, nëse llogaritet shuma e shpenzuar nga Besnik Qaka për këtë ceremoni, ajo kapë shumën e dhjetëra mijëra eurove.
“Telegrafi” ka provuar të marrë një prononcim nga lokalisti i NRG band, por ai preferoi të qëndrojë modest me bashkëshorten, duke refuzuar të flasë për shumën e shpenzuar prej tij për këtë ceremoni.
“Kemi kaluar shumë mirë. Kjo është më e rëndësishmja”, theksoi ai duke mos dashur të zbulojë çmimin e saktë të shumës që shpenzoi.
Në dasmën e Besnik Qakës performuan shumë këngëtarë, kurse pas dasmës ai pritet t’i kthehet angazhimeve të tij në skenën muzikore shqiptare.
