Armina Mevlani dhe Shkëlzen Berisha do ta kurorëzojnë dashurinë e tyre në martesë. Armina ka rrëfyer disa detaje të reja për “Goca dhe Gra”.
“Javës tjetër do jesh si zonja Berisha, do na vish në studio”, i tha Dalina, Arminës por ja si u përgjigj kjo e fundit: “Jo do të vij zi zonja Mevlani. Do të vazhdoj të jem zonja Mevlani.”
Më herët, Armina ka zbuluar se ajo dhe Shkëlzeni e duan vjeshtën dhe kjo është arsyeja që vendosën që dasmën ta bëjnë në shtator.
Jo vetëm kaq por ajo ka zbuluar se vjehrri i saj, Sali Berisha ka shprehur mbështetje për datën e dasmës.
Prezantuesja tregoi edhe se në dasmë do të ketë më pak se 300 të ftuar si dhe menuja e ushqimit do të jetë tradicionale.
“Muajin shtator e zgjodhëm për të bërë dasmën sepse na pëlqen vjeshta. Ne nuk e kemi planifikuar dasmën për të pritur një fëmijë. Gjithmonë kam dashur të kem dasmën para fëmijës, dua ta shijoj. Vjehrri im, Sali Berisha është gjithmonë mbështetës dhe ka qenë në rregull me datën e dasmës. Menyja e dasmës do të jetë tradicionale. Në dasmë do të ketë të ftuar më pak se 300 persona, për disa detaje të dasmës më ka ndihmuar shumë edhe kunata, motra e Shkëlzenit, me të cilën kam marrëdhënie fantastike”, tha bukuroshja e ekranit.
