Meghan Markle dhe Princi Harry i thanë “po” njëri-tjetrit në një ceremoni madhështore në kështjellën Winsdor.
Tashmë çifti është drejtuar drejt “Frogmore House” ku do të mbahet dasma me 200 të ftuar.
Zgjedhja e dytë e Meghan në këtë ditë të rëndësishme, është sërish një fustan i bardhë, i thjeshtë. Fustani është stiluar nga Stella McCartney. Meghan ka veshur këpucë ‘Aquazurra’, fustani është prej mëndafshi, me rrjetë, e këpucët kanë detaje të pikturuara në blu. Flokët e saj janë të stiluar nga George Northwood, një stil perfekt për një mbrëmje të tillë, shkruan “Dailymail”.
Princi Harry, ka zëvëndësuar uniformën që mbajti gjatë ceremonisë në kishë, për një kostum elegant.
Mësohet se gjatë mbrëmjes, Meghan do të mbajë një fjalim për të gjithë të ftuarit.
Ndërsa aktori britanik James Corden, i cili më parë mori pjesë në ceremoninë në kishë me bashkëshorten Julia Carey, do të jetë moderatori i mbrëmjes duke argëtuar me humor të ftuarit.
