Jennifer Lopez dhe Ben Affleck do të zhvillojnë dasmën e ëndrrave të tyre një muaj pasi u martuan në Las Vegas.
Çifti do të festojë dasmën e tyre këtë fundjavë dhe do të jetë një dasmë e përshtatshme për faqet e Vogue.
“Do të jetë gjithçka për Jennifer. Ben dëshiron që i gjithë fokusi të jetë tek ajo për ditën e tyre të madhe”, thotë një burim ekskluzivisht për Page Six.
Ata do të kryejnë një festim prej plot 3 ditësh me familjarët dhe miqtë.
Ceremonia e vërtetë do të zhvillohet të shtunën, dhe çifti do të mbyllë fundjavën e tyre me një Barbecue dhe piknik të dielën.
Lopez, 53 vjeç, pritet të veshë një fustan të stilit Ralph Lauren të prodhuar në Itali dhe revista Vogue pritet të dokumentojë çdo gjë.
“Page Six” raportoi më parë se planifikuesi Colin Cowie qëndron pas të gjitha detajeve për festën e tyre luksoze. Çmimi i Cowie varion nga 25,000 deri në 25 milionë dollarë, dhe ai ka prodhuar ngjarje për Oprah Winfrey, Michael Jordan dhe madje edhe Lopez në të kaluarën.
Burimet na thanë se Matt Damon, Jimmy Kimmel, Casey Affleck dhe Drea de Matteo janë disa nga yjet që do të jenë të ftuar.
TMZ raportoi muajin e kaluar se ngjarja do të zhvillohet në Riceboro, Georgia.
“Dashuria eshte e bukur. Dashuria është e mirë. Dhe rezulton se dashuria është e durueshme. Njëzet vjet durim”, shkroi më herët Jlo.
