“U përpoqëm shumë dhe jemi të zhgënjyer”. Kjo shprehje na theu zemrat kur aktori 38 vjeçar Chris Pratt pohoi se do të ndahet nga bashkëshortja e tij Anna Faris, pas 8 vjetësh të martuar.
Dyshja ndanë mesazhe emocionale në rrjetet sociale mbi ndarjen shokuese:
“Anna dhe unë jemi të trishtuar që bëjmë publik lajmin se po ndahemi ligjërisht. Jemi përpjekur shumë fort për shumë gjatë dhe jemi shumë të zhgënjyer. Djali ynë ka dy prindër që e duan shumë dhe për shkak të tij duam ta mbajmë situatën sa më private të mundemi ndërkohë që ecim përpara. Ne ende kemi dashuri për njëri-tjetrin, gjithmonë do ta kujtojmë me dashuri kohën tonë bashkë dhe do vazhdojmë të kemi respektin më të thellë për njëri-tjetrin”.
Ky lajm nuk është marrë aspak mirë nga fansat, të cilët kanë reaguar me mesazhe të forta si “dashuria ka vdekur” apo “nuk e di më se çfarë është dashuria”. Mesa duket dy aktorët ishin kthyer në një çift shembull për të rinjtë dhe kjo gjë nuk u ka pëlquer aspak fansave të tyre.
