Të gjithë e dimë sesa patriot është Lorik Cana, jo vetëm me fjalë, por edhe me vepra. Tatuazhet e tij në trup dhe mbështetja për atdheun kanë treguar ndër vite sesa e do Shqipërinë.
Por dashuria e bëri që të shkelte një premtim: “Nusen do ta kem shqiptare”!
Kur Cana vendosi të bënte publike lidhjen e tij me arkitekten Monica, të gjithë u çuditën pasi ajo ishte italiane. Në intervista të ndryshme ai kishte deklaruar se gruaja e tij do të ishte pa dyshim shqiptare.
Po dashuria nuk njeh kombësi! Cana u dashurua me Monica-n, u martuan dhe më pas u bënë me një djalë, Boikenin.
Në fakt Cana nuk është i famshmi i vetmi shqiptar që e gjeti dashurinë përtej kufijve. Të paktën 9 të njohur të tjerë zgjodhën si partnerë të jetës së tyre shtetas me kombësi të huaj.
Emina Cunmulaj
Modelja shqiptare Emina Cunmulaj u martua në qershor të 2015-s me biznesmenin Sam Nazarian, pasi i dha fund beqarisë pas plot tre vjet bashkëjetesë.
Emina ka krijuar tashmë familjen e saj në Amerikë me biznesmenin me origjinë iraniane, i cili është pronar i një rrjeti të madh hotelesh, lokalesh nate dhe restorantesh, si dhe një ndër emrat më të njohur të sektorit të shitje-blerjes së pronave të patundshme në SHBA. Çifti ka një vajzë, Ella Faria Nazari.
Almeda Abazi
Ish-Missi shqiptar, Almeda Abazi, u martua më 13 shkurt të 2017-s me aktorin turk Tolgahan Sayışman. Dyshja e famshme u fejua në nëntor të vitit 2016, kur ylli i serialeve turke shkoi në shtëpinë e ish-Miss-it shqiptar për t’i kërkuar dorën, duke respektuar edhe traditat shqiptare.
Anjeza Shahini
Këngëtarja shqiptare Anjeza Shahini i dha fund beqarisë dhe u kurorëzua me diplomatin anglez, Paul Edward Conolly, më 7 shtator të 2015-s. Këngëtarja shqiptare Anjeza Shahini, u fejua në muajin mars të 2015-s aty ku edhe jetojnë, në Britani.
Lindita Halimi
Linda Halimi ishte në atë kohë shqiptarja e parë e njohur, e cila u bë nuse amerikane. Ajo u martua në një ceremoni të fshehtë në korrik të 2012-s me Davon Edwards (Big D), të cilin në fillimisht e kishte vetëm menaxher e më pas të fejuar.
Adelina Tahiri
Vetëm në fillim të tetorit, këngëtarja Adelina Tahiri foli për herë të parë për lidhjen e saj. “Më trajton si princeshë. Është lidhje e gjatë, serioze dhe unë jam shumë e dashuruar. Si asnjëherë tjetër. Unë e kam gjetur princin, për mua është mashkulli ideal. Për të jam e përkryer”, u shpreh ajo. Adelina tregoi se partneri i saj flet frengjisht, por nuk tregoi kombësinë.
Kamela Islami
Këngëtarja Kamela Islami na tregoi në maj të këtij viti të dashurin e saj me profesion DJ dhe grafik dizajner. Ajo ka disa kohë që bashkëjeton më Vincenzo Giannattasio, i cili është italian.
Angela Martini
Angela Martini, modelja shkodrane, po jeton një histori dashurie me miliarderin rumun, Dragos Savulescu, me të cilin bën udhëtime të shumta në vendet më luksoze.
Dafina Zeqiri
Këngëtarja Dafina Zeqiri u përfol se ishte në një lidhje me Jose, një djalë nga Republika Dominikane. Mes tyre gjërat u bënë serioze, derisa nisën bashkëjetesën, por tashmë spekulohet se çifti mund të jetë ndarë.
Afërdita Dreshaj
Afërdita Dreshaj ka thënë se është shumë e lumtur me partnerin e saj nga Çekia, Jakub.
