Në muajin mars, këngëtari Machine Gun Kelly dhe aktorja Megan Fox u takuan për herë të parë në sheshxhirimet e një filmi në Porto Riko.
Takimi i tyre ishte dashuri me shikim të parë dhe që prej atij momenti, ata nuk u ndanë më nga njëri-tjetri.
Këngëtari ndihet kokë e këmbë i dashuruar me Megan dhe këtë s’ka ngurruar të na e tregojë në një intervistë për “NME”.
30-vjeçari rrëfen se u bë person më i mirë pasi ra në dashuri me aktoren dhe romanca e tyre kishte ndryshuar gjithçka në jetën e tij.
Ai ra në dashuri kur po përgatiste albumin “Tickets To My Downfall”, ndërsa Megan shërbeu si një muzë frymëzimi për të.
MGK, emri i vërtetë i të cilit është Colson Baker – dhe ylli i “Transformers”, Fox, e bënë publike lidhje në maj të këtij viti.
Aktorja, 34, ishte ndarë nga burri i saj prej 10-vitesh, Brian Austin Green, 47, me të cilin ka tre djem – Noah, Bodhi, dhe Journey.
