Sot është dita e nënës në Turqi dhe në kuadër të kësaj dite të shënuar aktori turk Tolgahan Sayışman ka uruar me fjalët më të ëmbla bashkëshorten e tij Almeda Abazi.
Kjo e fundit rikujtojmë se u bë nënë për herë të parë para pak ditësh dhe vogëlushin së bashku me Tolgahan, kanë vendosur që ta quajnë Efehan.
Aktori turk në daljet e tij mediatike është shprehur se është tej mase i lumtur për ardhjen në jetë të të birit, ndërkohë nga ana tjetër bukuroshja ka deklaruar publikisht se kuptimi i jetës së saj tashmë është Efehani.
Por le të rikthehemi sërish tek urimi i Tolgahan për Almedën…
“Dashuria ime më e bukur në botë gëzuar ditën e parë të nënës. Të qenurit dëshmitar në një lindje, njohja me këtë mrekulli është një ndjenjë e papërshkrueshme. Kjo nuk është vetëm për bashkëshorten time, më besoni se të gjitha nënat i respektoj dyfish tani. Gëzuar këtë ditë të veçantë, ju puth duart!”- shkruan ndër të tjera aktori turk krah fotos ku shfaqet pranë Almedës, disa minuta para se ajo të sillte në jetë bebushin e saj.
