Historitë e dashurisë janë nga më të bukurat për t’u treguar dhe dëgjuar, veçanërisht nëse bëhet fjalë për një personazh të njohur publik.
Aktori Gentian Zenelaj ka treguar një histori të bukur dashurie me një vajzë nga Elbasani, për të cilën i është dashur të bëjë shumë sakrifica. I ftuar në ‘Opinion’ ai ka treguar një histori dashurie, e cila nuk pati fund të lumtur.
Aktori ka rrëfyer se në vitin 1997, kishte njohur një vajzë nga Elbasani dhe në mes të trazirave udhëtonte nga Lezha në Elbasan vetëm për ta takuar. Megjithatë pas disa kohësh çdo gjë përfundoi, sepse fati kishte rezervuar për Gentin një tjetër dashuri të madhe.
Ai ka treguar se pas disa vitesh është njohur me bashkëshorten e tij, nga një shoqëri e përbashkët. Tashmë ata kanë ndërtuar një familje të lumtur së bashku dhe janë prindër të dy fëmijëve.
