Ai ka sytë më të kërkuar. Maçoku Coby po fiton zemrat e fansave në rrjetet sociale me sytë e tij të mëdhenj blu dhe pamjen perfektë.
Ai ka më shumë se 279,000 ndjekës në “Instagram” dhe pothuajse 3,000 ndjekës në “Facebook”. Dhe ta mendosh që Coby u bë pjesë e mediave sociale vetëm në qershor të vitit të kaluar.
Coby, që është një maçok race britanike me qime të shkurtër, u fitoi zemrën fansave shumë shpejt pas paraqitjes së tij në “Instagram” tetë muaj më parë. Macet e së njëjtës racë njihen për temperamentin e qetë dhe natyrën e mirë.
Varianti më i njohur i kësaj race është me qime gri dhe sy ngjyrë bakri, ndërsa Coby është shumë i veçantë për qimen e tij komplet të bardhë dhe ngjyrën e syve blu akulli. Dhe sipas përshkrimit në “Instagram”, Coby ka një personalitet më të madh se sytë e tij blu.
Burimi: Daily Mail
