Venera Lumani është një nga këngëtaret që konkurron këtë vit në “Kënga Magjike”, me këngën me titull “Lind Për Ty”. E ku ka më mirë se provat për festivalin, t’i bëjë së bashku me bashkëshortin e saj të ardhshëm, në ngrohtësinë e shtëpisë.
Në profilin e saj në “Instagram”, këngëtarja ka ndarë me ndjekësit e saj një video që të qetëson shpirtin. Zëri melodioz i Venerës, tingujt e kitares, vështrimet e Lindit, na bëjnë të imagjinojmë se kjo video është shkëputur nga filmat romantikë.
“Qejfi i të premtes mbrëma” – shkruan Venera, krahas videos së publikuar në profilin e saj.
E ndërsa për komshinjtë e çiftit, Venera ka kërkuar ndjesë për zhurmën edhe publikisht gjatë emisionit “Rudina”, pak ditë më parë. Gjithsesi, t’i kishim pasur ne komshinj do t’i kishim mbirë në derë me një shishe verë, duke iu lutur të na bëjnë pjesë të kësaj magjie.
