Kësaj here, emisioni “Soiree” në “ABC News” erdhi në formën e një ‘pijama party’, me të ftuar emra të njohur të showbiz-it shqiptar.
Mes këtyre emrave ishte edhe moderatorja Liesa Haxhiasllani, e cila dashur padashur, i tha disa të vërteta për jetën e saj personale.
Krahas saj ishte i pranishëm edhe kolegu në emisionin “Friend Zone”, Ardit Murataj.
Ata u vendosën përballë një situate ku duhej të intervistonin njëri-tjetrin dhe ishte Arditi ai që zbuloi sekrete nga jeta personale e Liesës.
Ai e pyeti drejtpërdrejt moderatoren se kur do ta bëjë publik faktin që është në një lidhje dashurie.
“Kur ke ndërmend që ta bësh publik këtë djalin dhe kur mendon se mund të krijosh ndonjë familje ose dasëm”, e pyeti Arditi.
“Arditi pas këtij emisioni, nuk do të jetë më miku im”, u shpreh moderatorja duke qeshur, e vënë në siklet.
“Mund të themi sa vjec është Taulanti?”, e ka ngacmuar më tej Ermal Peci.
“E ka Armand emrin”, u përgjigj Ardit Murataj.
Ndërsa Liesa u shpreh se për momentin nuk dëshiron që ta bëjë publik partnerin e saj, pasi është fokusuar tek karriera tani për tani.
“Nuk jam njeri që eci me plane. Kur të jetë momenti i duhur. Jam në karrierë për momentin”, tha moderatorja e njohur.
