Qeveria e Danimarkës ka vendosur të ndihmojë të gjitha kompanitë dhe punëtorët gjatë situatës së krizës për shkak të Covid-19.
Kështu, është vendosur që të paguhet 90% e pagave të punëtorëve nga shteti, deri në 26,000 kroner danez në muaj.
Këto masa lehtësuese vijnë për të parandaluar një krizë ekonomike të vendit, diçka që e kanë bërë edhe shtete të tjera si Britania e Madhe apo Spanja.
Në Britaninë e Madhe, marrja e masave për mbrojtjen e ekonomisë ka nisur që më 11 mars për t’i ardhur në ndihmë bizneseve të vogla dhe të mesme, ndërsa kryeministri i Spanjës ka vendosur një moratorium 6-mujor për taksat e bizneseve të vogla.
Ekonomitë më të mëdha botërore po ndjekin thuajse të njëjtën skemë, duke pezulluar pagesat e taksave për bizneset dhe individët, si dhe duke ofruar kredi të buta për bizneset në vështirësi si pasojë e koronavirusit.
Diçka e tillë pritet edhe në Shqipëri, ndërsa Icosntyle.al ka ngritur prej kohësh zërin për këtë problem. (Lexo këtu)
Ditën e djeshme, Rama shpalli planin e ri financiar për përballimin e Covid-1, i cili pritet të thellohet edhe më tej.
