Shumë është përfolur për raportin e dy moderatoreve Ori Nebiaj dhe Bora Zemani. Kjo e fundit u shfaq mbrëmjen e djeshme në një format ndryshe nga “Për’puthen”, atë të kërcimit.
“Dancing With the Stars” startoi mbrëmë dhe diçka për të thënë për Borën, e kishte edhe Ori Nebiaj.
Moderatorja e re e “Për’puthen” ka ndarë një video të Borës në Instastory, ku i uron suksese. Postimi është rishpërndarë edhe nga vetë Bora, e cila e ka shoqëruar me një zemër të bardhë duke treguar kështu se raporti mes tyre është mjaft mirë.
Kujtojmë se teksa ishte e ftuar në “Më lër të flas”, Bora Zemani foli edhe për Ori Nebiajn, si dhe për mënyrën e prezantimit të Për’Puthen.
Bora tha se Ori është më e mirë se ajo në prezantimin e emisionit. Jo vetëm kaq por Bora shtoi se e ka shumë xhan Orin dhe vajzat kanë miqësi me njëra-tjetrën.
“Njerëzit u mësuan me mua për dy vite, 6 ditë të javës. Dhe publiku ka nevojë për kohë që të mësohet. Ne si tipologji figurash jemi totalisht shumë të ndryshme. Dhe unë mendoj se në atë që përfaqëson Ori është jashtëzakonisht e mirë. Mbështetjen time e ka patur dhe do e ketë gjithmonë se e kam dhe shumë xhan!”- deklaroi Bora.
