Mbrëmjen e djeshme u mbajt koncerti i këngëtarit grek Notis Sfakianakis në Pallatin e Kongreseve. Ardhja e tij në Tiranë hapi jo pak debate, duke u folur jo vetëm për çmimet e larta të biletave, por edhe për shprehjen e tij të kundër shqiptarëve.
Kujtojmë se këngëtarët shqiptarë bënë thirrje që koncerti i tij të bojkotohej, pasi më parë Sfakianakis kishte deklaruar se shqiptarët janë racë inferiore.
Pavarësisht kësaj, shumë njerëz që janë fansa të këngëtarit grek kishin blerë biletat për ta dëgjuar atë live.
Por në fund të koncertit, gazetarja Desara Karaiskaj tregoi disa të vërteta të pathëna lidhur me të, nëpërmjet një statusi në Facebook. Ajo tregoi se biletat nuk u shitën por u dhuruan dhe se Sfakianakis i kishte “tërbuar organizatorët me tekat e tij psikopatë”.
“Më vjen aq keq për ata që vërtetë donin të ishin në koncertin e Sfakianakis, sepse prej çmimit të llahtarshëm të biletës nuk mundën. Dhe salla ishte e mbushur me njerëz që ndodheshin aty sepse i kishin dhuruar biletat, e nuk e dinin as vetë pse ishin aty. Biletat nuk u shitën dhe në moment të fundit u dhanë kot e më kot.
Gjithsesi… Për të gjithë ju që nuk ishit sonte, të mos ju vijë keq…. Nuk ju meritonte fodulli dhe tangërlliksi Notis, asnjërin prej jush. Erdhi në pallat të Kongreseve në orën 10 dhe… Para se të vinte i tërboi të gjithë organizatorët me tekat e tij psikopate. Natën e mirë!
