Kim Kardashian West dhe Kanye West festuan ditëlindjen e vajzës Chicago me një festë super speciale!
Vajza më e vogël e çiftit, e cila mbushi 2 vjeç të mërkurën, ishte shndërruar si personazhi i famshëm i filmave vizatimorë, Minnie Mouse.
Tezja Kylie Jenner tregoi festimet në Instagramin e saj, duke zbuluar një foto të ëmbël të Chicago-s së veshur si Minnie duke pikturuar.
Jenner, 22 vjeç, gjithashtu ndau një fotografi të tortës së ditëlindjes me Minnie Mouse.
Prapa tortës ishte shkruar emri “Chicago” me fontin e famshëm të Disney-t.
Dita e madhe ishte sigurisht një ëndërr e realizuar për vogëlushen pasi ajo më parë shprehu dëshirën e saj për një tortë Minnie Mouse në fillim të këtij muaji.
Edhe Kylie Jenner ishte kombinuar bukur në festën e mbesës së saj, me vajzën Stormi, e cila dukej si një zonjushë!
Dje Kim Kardashian publikoi dy foto të ëmbla të vogëlushes së saj, të cilën e uronte kështu:
“Gëzuar ditëlindjen vajza ime e ëmbël Chicago. Unë nuk mund të besoj se tashmë je 2-vjeçe. Ti sjell kaq shumë gëzim në jetën tonë. Unë dua të shikoj se si rritesh çdo ditë. Vajza ime e zgjuar dhe e lezetshme mami të do përgjithmonë”.
Vitin e kaluar, Kim Kardashian dhe Kanye West organizuan ditëlindjen e parë të vajzës me temën “Alice in Wonderland” në shtëpinë e tyre në Hidden Hills, California.
https://www.instagram.com/p/B7V-Ig_AbJf/
